jump to navigation

fhalak fhalak….. 21 September 2007

Posted by aidind in Jalanan, Pikiran, Rasa.
trackback

{di rumah} pagi tadi, pas handak tulak dari rumah jam setengah delapan (lebih… =) hehe ), jar bini ‘kenapa nih pina ba kaboet banar’ pas saurang lihati, dasar bujuran bakaboet sekalinya, tipis haja pang, cuma baunya tu nah nang maulah kada nyaman, apalagi pas puasaan neh, jadi imbah bini tulak ka kantur, siap-siap ay saurang wan perlengkapan tambahan nang ngarannya ‘masker’, babacaan, menstarter kandaraan, tulak…
{di ‘pinggir’ (mun di tangah jalan diranjah urang narai) jalan}, imbah diitihi, binsin parak habis, lalu bahancap ay babelok satumat maisi binsin distasiun pangisian.
{di spbu} awalnya kabut tipis tadi kada tarasa (masih bamasker pang), nah pas giliran saurang, khan bapadah wan patugas pangisian tu barapa nang handak kita tukar, supaya patugasnya jangan tasinggung, dibukalah masker… nah.. hanyar kaciuman, baunya kada nyaman banaaaaaaaaaar….. sudah bau gas kada nyaman, bau fhalak neeeee naaaaaaah… (saking muarnya) manambahi… siapa gerang nang babakar bakar neh… cuma ngaran puasa khan… saurang bawa basabar ay dulu,
{di jalanan} imbah tuntung maisi binsin, saurang lanjutakan parjalanan ka wadah gawian (banjarbaru), harapan di hati ne, mudahan di jalan kada babau lagi nang kada nyaman ne, pikiran saurang ‘bamasker’ jua neh jadi kada kaciuman, wan di parjalanan ka banjarbaru mudahan kada ba kaboet… ngeng ngeng..
eh sekalinya, di parjalanan, kaboetnya maginnya babangat, apalagi mun lewat area nang banyak pahumaan, aduuuuuuh… maginnya fhalak… padahal dah bamasker yaitu baunya tu cacilingitan.. heran saurang… uma dalam hati ni ‘asa’ handak manyumpah, siapa gerang nang maulah gawi ne.. puasa juakah inya to.. mun inya puasa, marasa to kiapa kada nyamannya urang nang mancium cacilingitan bau nang kada nyaman neh… sampai-sampai saurang sampat tapikir (tedo’a kada pang, khan puasa, jadi nang baik-baik haja) mun nang maulah kaboet asap ne nah, urangnnya tu puasa, kira-kira ditarima juakah puasanya???, atau magin batambah dusanya gara-gara maulah urang fhalak fhalak… cuma saurang baistighfar ja pang, wan bapikir kalupina saurang haja neh nang marasa fhalak nangkaya nintu, ada apakah mungkin di hidung, atau ada kalalaian wan kasalahan apa kah wan ‘nang mambari hidup’ jadi dihukum kabauan nangkaya ini, tapi kada lawas sakalinya tajawab, di higa saurang ada mutur colt (tu nah nang babukaan dibalakang tapi ba atap, biasanya mambawa nang dari martapura, kaya angkutan padesaan tu… tahu lo..) ‘sa ba ra ta an’ urang nang dibalakang mutur tu, batutup hidung, artinya khan kada saurang haja nang marasa cacilingitan tacium bau hangit ne… lalu ay dalam hati ne bargajolak pulang, jaka kada puasa ne bisa batambah sasambatan wan ‘urang nang kada tahu pandaritaan urang lain’ .. mudahan lakas disadarakan nah urang-urang nang maulah kaboet asap ne.. amien

‘du’a urang nang ta aniaya tu lakas kabul kalo….’

Comments»

No comments yet — be the first.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: